- 15 -

1361. April 17.

In nomine et individue sancte (sic) Trinitatis feliciter Amen. Ad Rei memoriam Sempiternam. Nos Albertus dei gracia dux Opoliensis et dominus Streliczensis Tenore presencium recognoscimus universis Quod ex inspiracione divina in Monasterio antique fundacionis serenissimi Principis domini Bolkonis Incliti ducis Opoliensis nostri karissimi genitoris felicis memorie in Gemilnicz Cystercziensis ordinis Novam fundacionem fecimus, fundavimus et fundamus, in honore Sanctissime Marie virginis gloriose et Sancti Iacobi Apostoli maioris, ob remissionem peccaminum omnium nostrorum predecessorum et parentum et ob salutem nostram et Serenissarum Principum dominarum Agnetis consortis nostre et Elizabeth filie nostre karissime felicis memorie necnon omnium nostrorum successorum ac omnium fidelium in Christo yivorum ac defunctorum, Constituantes in eodem Monasterio viginti presbiteros eiusdem ordinis ad laudem dei temporibus perpetuis et duraturis. Et ut predicti presbiteri et ministri dei sive monachy cum familijs ipsorum domui dei deservientibus eo meliorem haberent refeccionem corporalem, In nostra bona mentis valitudine et corporis sospitate, non per errorem aut inprovide sed sano nostrorum fidelium consilio accedente et cum voluntate Illustrissime Principis domine Agnetis consortis nostre karissime specialis Monasterio predicto in Gemilnicz et nostre nove fundacioni Nostras duas villas videlicet Dambrowcam et Wirchles in nostro Territorio Streliczensi sitas, et duo Molendina unum in Gansorouicz et aliud ubi quondam fabrica nostra habebatur, et ambo in Blotnicz fluvio sita cum pratis, dedimus, contulimus et donamus Iure hereditario et proprietatis tytulo in perpetuum cum solempni resingnacione tenendas, regendas et habendas ac sine quorumlibet inpedimento possidendas, Prout dicto Monasterio et eius conventui melius videbitur expedire et convertendas, Cum omnibus et singulis nostris Iuribus ducalibus et superioritatis dominijs, censibus, mellificijs, venacionibus cum magna Tuba ad universas partes totius nostre terre et ducatus, Aucupacionibus, piscinis, piscacionibus aquarumwe decursibus, pratis. silvis, nemoribus, redditibus, agris, vijs et invijs, excrescencijs sive accrescencijs ac pertinencijs universis, quibuscumque nominibus aut proprijs vocabulis valeant desingnari, Ipsisque nostris iuribus et superioritatis dominijs quibus hactenus utebamur, veluti eciam predicte ville cum Molendinis prefatis in ipsorum metis et terminis circumferencialiter sunt limitate et distincte a fine usque ad finem, Facientes incolas sive homines villarum earumdem et Molendinorum pretactorum ab omnibus nostris solucionibus ducalibus et superioritatis dominijs sive Iuribus, videlicet ab exaccione, porco, wacca, pecunijs et frumentis anserinis, stacionibus, conduccionibus, laboribus, vecturis, contribucionibus, angarijs et perangarijs ac pertinencijs sive exigencijs universis, de consuetudine antiqua facta et in futurum facienda in partibus vel in parte quovismodo verbo vel nomine vocanti, solutos et exemptos, Preterea volumus quod incole sive homines villarum predictarum et Molendinorum antedictorum Coram Nullo Nisi Coram Domino Abbate aut suo Iudice Monasterij prefati pro universis factis et criminibus, prout est homicidij, incendij, furti, magne strate depredacionis, violencie, alloqucionis, oppressionis ac de alijs consimilibus, prout se onmia Iudicia ex quolibet officio vel nomine proclamabunt et extendant, et non alibi tenebuntur respondere. Igitur Monasterium prefatum in villis prenotatis et in Molendinis memoratis ac in omnibus ipsorum diffinicionibus et districtibus omnia Iudicia erigendi ac exercendi. sive villas aut Molendina seu fabricas populandi, habebit omnimodam potestatem et facultatem, scilicet suspendendi, decollandi, mutulandi, demembrandi, lumine oculorum privandi, rotefracturas infligendi, vivomodo sepeliendi, in gladijs et in baculis percuciendi, ac alia et quevis tormentorum genera pertractandi Prout se Iudicia ex quolibet officio vel nomine derivabunt et extendant, Insuper promittimus fide nostra data una cum Serenissima domina Agneta consorte nostra karissima Inclita ducissa Streliczensi, villas ac hereditates vel quevis bona pro Trecentis sive Tribus Centis Marcis grossorum Pragensium Polonici pagamenti Monasterio prelibato in Nostro Territorio emere et comparare, Quas villas eciam sive hereditates vel quevis bona, quas emere sive comparare procurabimus Monasterium pretactum, Cum omnibus nostris Iuribus ducalibus et superioritatis dominijs, prout superius de alijs villis de verbo ad verbum est expressum, Iure hereditario et proprietatis tytulo in perpetuum possidebit. Et ut Robur firmius habeatur de premissis et perpetuum, Ipsa omnia et singula prout superius in omnibus ipsorum punctis et clausulis plenius expressantur, Monasterio sepefato Per vos Venerabilem in Christo Patrem dominum Preczslaum Episcopum Wratislauiensem, nec non per Reverendum Capitulum ecclesie Wratislauiensis approbare et ratificare petimus humilime et devote, que Nos eciam sanccimus et confirmamus. Harum nostram litterarum testimonio Nostro Sigillo munitarum in memoriam omnium pretensorum. Actum et datum in Gemilnicz in primo lapide nostre fundacionis Sabbato proximo ante diem Sanctorum Adalberti et Georij Martirum Beatorum Anno domini Millesimo Trecentesimo Sexagesimo Primo, presentibus Nobilibus viris et dominis Stephano Swentopelkonis de Zyrowa, Thoma de Cam militibus nostris, Merbothe Capitaneo nostro filio domini Stephani prefati, Theodrico de Wissoca, Czeina de Pulcra Lanca, Egidio de Sedlicz, Vincencio de Ransbarg, Thamchyno de Borzegnew Nobilibus et domicellis nostris, Henczkone, Nicolao dicto Kilhow, Johanne dicto Grudner. Iancone Coco. Consulibus nostre Strelicz civitatis, Nicolao Capellano nostro et Notario, qui a nobis hoc habuit in commisso, et alijs pluribus fide dignis et honestis specialiter ad hoc vocatis et Rogatis.

Grosse stattliche Urkunde mit einem schon ausgemalten Anfangsbuchstaben. An grünen und rothen Seidenfaden hangt das gewöhnliche, auch hier schlecht ausgedruckte Siegel in heller Masse. Ein Rucksiegel in grünem Wachs zeigt einen Adler mit der Umschrift: S. ALBERTI. DVCIS OPOLIENSIS ET. DNI. STREL.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 2, Urkunden der Klöster Rauden und Himmelwitz, der Dominicaner und Dominicanerinnen in der Stadt Ratibor. Hrsg von dr. W. Wattenbach, Breslau 1859.